მსოფლიო
WP: ყატარულ მედიაზე კიბერთავდასხმა არაბეთის გაერთიანებული ემირატების მიერ იყო ორგანიზებული

WP: ყატარულ მედიაზე კიბერთავდასხმა არაბეთის გაერთიანებული ემირატების მიერ იყო ორგანიზებული

ყატარულ სახელმწიფო საინფორმაციო სააგენტოზე კიბერშეტევა, რომელმაც სპასეთის ყურის ქვეყნებს შორის კონფლიქტის პროვოცირება გამოიწვია, არაბეთის გაერთიანებული ემირატების ორგანიზებით (UAE) განხორციელდა. ინფორმაციას გამოცემა The Washington Post აშშ-ს დაზვერვის ოფიციალურ პირებზე დაყრდნობით ავრცელებს.

გამოცემის თანახმად, აშშ-ს დაზვერვის სამსახურმა ინფორმაციის ანალიზის შედეგად დაადასტურა, რომ არაბეთის გაერთიანებული ემირატების მთავრობის წევრებმა ამა წლის 23 მაისს კიბერთავდასხმის გეგმა და მისი განხორციელება დაგეგმეს.

კიბერთავდასხმა 24 მაისს მოხდა, მაგრამ გაურკვეველი რჩება, განხორციელდა ეს თუ არა პირდაპირ არაბეთის ემირატების მხრიდან.

მაისის ბოლოს, საუდის არაბეთმა და არაბეთის გაერთიანებულმა ემირატებმა ყატარული საინფორმაციო სააგენტოები დაბლოკეს, მათ შორის იყო ტელეარხი Al Jazeera.

6 ივლისს ცნობილი გახდა, რომ არაბული ქვეყნები ყატარის წინააღმდეგ ბოიკოტს აგრძელებენ, რომელმაც თავის მხრივ წაყენებული ულტიმატუმის შესრულებაზე უარი თქვა.

სპარსეთის ყურის სამი წამყვანი ქვეყანა - საუდის არაბეთი, არაბთა გაერთიანებული ემირატები და ბაჰრეინი ყატარს ბრალს ტერორიზმის მხარდაჭერასა და ექსტრემიზმში დებს. აღნიშულ ბრალდებებს იზიარებს ეგვიპტე და სხვა არაბული ქვეყნებიც. ერთი თვის წინ მათ ყატართან დიპლომატიური ურთიერთობა გაწყვიტეს.

ყატარი ყველა ბრალდებას უარყოფს. ყატარის ხელისუფლების მოსაზრებით, სინამდვილეში ეს ყველაფერი იმას ემსახურება, რომ მისი მეზობელი ქვეყნები ცდილობენ, რომ ყატარის საგარეო პოლიტიკა საუდის არაბეთის საგარეო პოლიტიკის შესაბამისი იყოს.

წყარო: ipress.ge
გუშინ კვირის თვის