პოლიტიკა
ირაკლი კობახიძე: მოსამართლეების სრულად უვადო გამწესების წესზე 2025 წლიდან გადავალთ

ირაკლი კობახიძე: მოსამართლეების სრულად უვადო გამწესების წესზე 2025 წლიდან გადავალთ

პარლამენტის თავმჯდომარის ირაკლი კობახიძის განცხადებით სასამართლო სისტემასთან დაკავშირებით ვენეციის კომისიის ერთ-ერთი რეკომენდაცია ეხებოდა გამოსაცდელ ვადას.

მისი თქმით, 2025 წლიდან მოსამართლეების სრულად უვადო გამწესების წესი ამოქმედდება. 2025 წლამდე, კი მოსამართლეებისათვის იმოქმედებს პრობაციის პერიოდი, რაც გარდამავალ დებულებაში ჩაიდება.

„სასამართლო სისტემასთან დაკავშირებით ერთ-ერთი რეკომენდაცია ეხებოდა გამოსაცდელ ვადას. ეს რეკომენდაცია არის გათვალისწინებული პარლამენტის მხრიდან, კერძოდ ჩვენ გვქონდა დამატებითი კონსულტაციები ვენეციის კომისიასთან და შევთავაზეთ ასეთი ინიციატივა, რომ ჩაიდოს გარდამავალ დებულებებში დათქმა -2025 წლამდე იმოქმედებს პრობაციის პერიოდი მოსამართლეებისათვის, 2025 წლიდან გადავალთ სრულად უვადო გამწესების წესზე მოსამართლეებისათვის. ეს არის ერთი მნიშვნელოვანი საკითხი“, - აღნიშნა ირაკლი კობახიძემ.

პარლამენტის თავმჯდომარის განცხადებით, სასამართლო სისტემასთან დაკავშირებით, ვენეციის კომისიის მეორე რეკომენდაცია ეხებოდა ასევე უზენაესი სასამართლოს მოსამართლეების გამწესებას.

„როგორც მოგეხსენებათ, პარლამენტი ირჩევს უზენაესი სასამართლოს მოსამართლეებს და ვენეციის კომისიის რეკომენდაცია იყო, რომ პარლამენტი გამოვრიცხოთ ამ პროცედურიდან, თუმცა, ვფიქრობთ, არც ერთი სუბიექტი საქართველოში ამას არ მიესალმება, ჩვენ ვფიქრობთ, რომ პარლამენტის როლი გამოკვეთილი უნდა იყოს უზენაესი სასამართლოს მოსამართლეების გამწესების პროცესში“, - აცხადებს ირაკლი კობახიძე.

წყარო: ipress.ge
გუშინ კვირის თვის