სპორტი
ლიგა 1: ნიცას მორიგი მარცხი და ლიონის მინიმალური გამარჯვება

ლიგა 1: ნიცას მორიგი მარცხი და ლიონის მინიმალური გამარჯვება

დღეს საფრანგეთის ეროვნული ჩემპიონატის მეორე ტური დაიწყო და ორი შეხვედრა გაიმართა. ლიგა 1-ს გასული სეზონის მთავარმა აღმოჩენა "ნიცამ" მეორე მატჩიც წააგო და ამჯერად შინ "ტრუასთან" დამარცხდა. გოლები მეორე ტაიმში გავიდა. ალასან პლეას პენალტით მასპინძლებმა წონასწორობა აღადგინეს, მაგრამ შეხვედრის დასრულებამდე 5 წუთით ადრე კაუიმ "ტრუას" სამი ქულა მოუტანა. "ტრუამ" 4 ქულა დააგროვა და ამ მომენტისათვის სატურნირო ცხრილში მეორე ადგილს იკავებს. ლუსიენ ფავრის გუნდს კი კვლავ 0 ქულა აქვს. ნიცა 1:2 ტრუა გოლები: 0:1 - ნიანე (53'), 1:1 - პლეა (63' პენ.), 1:2 - კაუი (85'). შემადგენლობები ნიცა: კარდინალე; სოკეტი, დანტე, ლე მარშანი, სარი (ჟალე 70'); კოზიელო, სერი; მელოუ (მარსელი 88'), სკრაფი (მაჰუ 60'), სენტ-მაქსიმინი; პლეა. ტრუა: სამასა; დეგლანე, ვისკარონდო, ჰერელე, კ.ტრაორე; ბელოგი (კონფაისი 79'), დინგომე; გრანდსირი (კაუი 84'), ნივეტი (აზამუმი 70'), დარბიონი; ნიანე. მოგვიანებით თავისი თამაში ლიონის "ოლიმპიკმა" ჩაატარა და ბრუნო ჟენეზიოს გუნდმა მორიგი გამარჯვება მოიპოვა. ლიონელებმა სტუმრად "რენი" დაამარცხეს. გოლები რენშიც მხოლოდ შეხვედრის მეორე ნახევარში გავიდა. მემფის დეპაის გოლის შემდეგ "ოლიმპიკის" ახალწვეულმა, მადრიდის "რეალის" ყოფილმა თავდამსხმელმა, მარიანო დიასმა, ლიგა 1-ში თავისი მესამე ბურთი შეაგდო. მასპინძლებმა მატჩის ბოლოს პრესტიჟის გოლი გაიტანეს. "რენს" მხოლოდ 1 ქულა აქვს, ხოლო ლიონის "ოლიმპიკი" ჯერჯერობით საფრანგეთის ჩემპიონატის ერთპიროვნული ლიდერია. რენი 1:2 ლიონის ოლიმპიკი გოლები: 0:1 - დეპაი (57'), 0:2 - დიასი (74'), 1:2 - ბურიგედი (86'). შემადგენლობები რენი: დიალო; ჰ.ტრაორე, სიტოე, გნაგნონი, ბენსებიანი; მუსა, ბურიგედი, ანდრე, ბაალი (ტელი 66'); სარი, მუბელე. ლიონის ოლიმპიკი: ლოპეში; რაფაელი (ტეტე 61'), მარსელო (დიაკაბი 87'), მორელი, მარკალი; ტუზარი, დარდერი; ბ.ტრაორე, ფეკირი, დეპაი (კორნე 80'); დიასი.
წყარო: goal.ge
გუშინ კვირის თვის