პოლიტიკა
ირაკლი კობახიძე გიგა ბოკერიას – თქვენ რომ ჩვენზე ჭკვიანები იყოთ, ჩვენ არ ვიჯდებოდით აქ 116 კაცი და თქვენ – 21 კაცი

ირაკლი კობახიძე გიგა ბოკერიას – თქვენ რომ ჩვენზე ჭკვიანები იყოთ, ჩვენ არ ვიჯდებოდით აქ 116 კაცი და თქვენ – 21 კაცი

თქვენ რომ ჩვენზე ჭკვიანები იყოთ, ჩვენ არ ვიჯდებოდით 116 კაცი და თქვენ არ იჯდებოით აქ 21 კაცი, ბატონო გიგა, – ასე მიმართა პარლამენტის თავმჯდომარე ირაკლი კობახიძემ „ევროპული საქართველო“ ერთ-ერთი ლიდერს გიგა ბოკერიას პარლამენტის რიგგარეშე სხდომაზე, რომელზეც კონსტიტუციის პროექტზე პრეზიდენტის მოტივირებულ შენიშვნებს განიხილავენ.

მანამდე გიგა ბოკერიამ საპარლამენტო უმრავლესობას მიმართა.

„სწორად გავიგე თქვენი და უმრავლესობის პოზიცია, რომ რადგან პრეზიდენტი არ დაეთანხმა ვეტოს იმ ვარიანტს, რომელსაც თქვენ სთავაზობდით საჯაროდ, ახლა თქვენ აპირებთ, რომ ინიცირება მოახდინოთ ამ ცვლილებების კონსტიტუციის მიღების შემდეგ? სწორად მესმის? თუ ეს ასეა და სწორად გავიგე, ასეთი პროცედურული ჟესტის შანსი გაქვთ – დაეთანხმეთ პრეზიდენტის ამ ვეტოს და მოახდინეთ იმის ინიცირება, რასაც არ ეთანხმებით. გაწყობთ ასეთი ვარიანტი? იქნება დაფიქრდეთ, სცადოთ“, – განაცხადა გიგა ბოკერიამ.

„თქვენ რომ ჩვენზე ჭკვიანები იყოთ, ჩვენ არ ვიჯდებოდით 116 კაცი და თქვენ არ იჯდებოდით აქ 21 კაცით, ბატონო გიგა. ასე რომ, ჭკუაში მოტყუება, ცოტა ისეთი მცდელობაა“, – განაცხადა პარლამენტის თავმჯდომარე ირაკლი კობახიძემ გიგა ბოკერიას საპასუხოდ.

წყარო: timer.ge
გუშინ კვირის თვის