სპორტი
ჩაკვეტაძე – გოლი, საგოლე პასი და კარგი თამაში

ჩაკვეტაძე – გოლი, საგოლე პასი და კარგი თამაში

ბელგიის ჩემპიონატში გიორგი ჩაკვეტაძის “გენტმა” შინ 3:0 მოუგო “ლოკერენს” და მეოთხე ადგილზეა. როგორც დავაანონსეთ, ჩაკვეტაძე სათამაშოდ მზად იყო და მწვრთნელმაც მისცა თავის გამოჩენის საშულება, რაც ქართველმა მშვენივრად გამოიყენა.

ჩაკვეტაძე 42-ე წუთზე შეცვლაზე შევიდა და ორ წუთში მისი აქტიურობის შედეგად გავიდა პირველი გოლი. მატჩის მიწურულს კი ქართველმა თავად გაიტანა: საჯარიმოს მისადგომებთან მიიღო ბურთი, ერთი მცველი მოატყუა და მარცხენა ფეხით ზუსტად დაარტყა. ამ გოლით 3:0 გახდა ანგარიში.

მთლიანობაში, ჩაკვეტაძემ კარგი მატჩი ჩაატარა. დაცვასაც ეხმარებოდა და შეტევაშიც ნაკლებად ჰქონდა წუნი.

წყარო: worldsport.ge
გუშინ კვირის თვის