საზოგადოება
"დაზიანებული კუნთები, მყესები, ძვლის მოტეხილობა"- პიროტექნიკის აფეთქების შედეგად 4 არასრულწლოვანი დაშავდა

"დაზიანებული კუნთები, მყესები, ძვლის მოტეხილობა"- პიროტექნიკის აფეთქების შედეგად 4 არასრულწლოვანი დაშავდა

პიროტექნიკის აფეთქების შედეგად 4 არასრულწლოვანი დაშავდა. ოთხივე მათგანი თბილისში, იაშვილის კლინიკაშია მოთავსებული.

მოზარდები კლინიკაში 14 იანვარს შეიყვანეს, ერთი დაშავებული სამედიცინო დაწესებულებაში ბათუმიდან გადმოიყვანეს.

ყველა პაციენტს მდგომარეობა სტაბილურია. მათ ჩაუტარდათ ოპერაცია.

ბათუმში კი პიროტექნიკის აფეთქებით კიდევ ერთი მოზარდი დაშავდა, რომელიც მალევე გაწერეს.

„კლინიკაში შემოყვანილ იქნა 4 პაციენტი, რომელთაც აღენიშნებოდათ პიროტექნიკის მტევანში აფეთქების შედეგად დაზიანებები. დაზიანებული ჰქონდათ კუნთები, მყესები, აღენიშნებოდათ ძვლების მრავლობითი მოტეხილობა. ჯანმრთელობის მდგომარეობა სტაბილურია. ოპერაციული მკურნალობა ჩაუტარდა დროულად ყველას. აღდგა დაზიანებული ნაწილები მაქსიმალურად. პაციენტები უკვე არიან ქირურგიულ განყოფილებაში და თავს გრძნობენ დამაკმაყოფილებლად.“ - განაცხადა ორთოპედმა ბიძინა კანაშვილმა.

წყარო: newposts.ge
გუშინ კვირის თვის